O se poloketi sa faatupeina e le malo o Niu Sila i totonu o Papua Niu Kini ua taofia mo le taimi nei ona o tulaga tau i le puipuiga ma e foliga e i’u ina lē toe faaauauina.
Faailoa e le RNZ o se faamaoniga mai le matāgaluega o le va i fafo ma fefaataua’iga a Niu Sila le MFAT na faamaonia ane ai o galuega sa faia i le poloketi lea o le Enga Electrification Project i Papua Niu Kini ua taofia ona o le tele o vevesi ua tula’i mai ai.
E 6.7 miliona na inivesi e Niu Sila i le poloketi lea i totonu o le ono tausaga ma sa fuafua ina ia maua ai le sapalai o le eletise i aiga i lea faaitu, ma o se poloketi sa galulue faatasi ai ma Amerika, Ausetalia ma Iapani.
Peita’i la o vevesi e afua mai i faigāpalota a faaitu ia ua māfua ai le vevesi ma ua aafia ai ma le tulaga tau le saogalemu.
Puna o Faamatalaga: https://www.rnz.co.nz/international/pacific-news/585645/nz-pulls-plug-on-6-point-7m-power-project-in-papua-new-guinea-amid-tribal-violence
