Ua tapena le solo tetee a se vaega o le tineimu.
O se tala lata mai lea mai le iuni o loo tutū mo tagata faigaluega a le pulega o tineimu i le mae’a palota ai o sui e teena le ofo ua tuuina mai e le pulega o tineimu poo le Fire and Emergency.
O se palota e faapea ua malilie sui e faia uma soo se ituaiga tetee.
Mai le failautusi o le iuni e tusa ma tala a le Herald, Martin Campbell, e i le va o le 10 i le 15 tausaga le umi talu ona utiuti le faasoa, ma o le mea moni o Aukilani latou e i lalo mai o le ‘afa o tagata faigaluega moomia le toatele ma o se fuainumera itiiti tele lea e tusa ma le 98 fuimu i le aso e tasi, faatusa i le 1.7 miliona tagata Aukilani.
O se tulaga lamatia tele lea e le gata mo le aufaigaluega ae o le saogalemu foi o tagata lautele
O le asō e faalauiloa ai le iuga aloaia o le palota ma le tetee ua ta’uta’u.
