E to’alua tagata faapā pomu pule i le ola na o la osofa’ia le nofoaga autū o le Pakistani paramilitary force i le amataga o le vaiaso nei ma ua maliliu atu ai ma sekulati e to’atolu ma manunu’a ai isi tagata pe to’a 12.
O le faamatalaga a leoleo na faia i le BBC e faapea o le auosofa’i lea na faa’au’upegaina ina ua o ane i le nofoaga lea i Peshawar i le itu i Mātū i Sisifo o Pakistan.
E lē o iai se kulupu ua siilima ane i le taimi nei e faapea o latou na faatupuina le faalavelave ae o loo faaauau i le taimi nei su’esu’ega.
Saunoa le Palemia o Pakistan, Shehbaz Sharif ua tatau ona maua loa i le taimi nei tagata na faatinoina lea gaioiga ma ave loa i le tulafono.
O le faaitu lea o Peshawar o loo i le tuaoi ma Afghanistan ma e tele foi faalavelave ua tutupu ai i tausaga ua te’a.
Puna o Faamatalaga: https://www.bbc.com/news/articles/ckgkv47xqn5o
