Na alafai mai le faaitu o Geelong i le setete o Victoria i lipoti o se faalavelave na tulai mai i le taulaga faatau ua osofaia ai se alii leoleo ma se sekulati ua feta’ua’ina na tatui i naifi sei tulou.
Fai mai le 7News e talitonuina o se alii e 22 tausaga na agai atu i le taulaga faatau i le taeao analeila ma ia gaoia ai naifi mai se faleoloa e lata ane.
Na taumafai atu leoleo ma le sekulati e taofi ae osofai ai loa e lea tagata ma o molimau a i latou na iai i lea nofoaga, o se vaaiga faafefe tagata aemaise o le usua’i atu o tagata i galuega ae faafeiloai mai e lea faalavelave.
Na aveina uma atu alii e toalua i le falemai mo togafitiga ae o le tagata lea e 22 tausaga na pue e leoleo.
O loo faia nei suesuega pe aisea na mafua ai lenei faalavelave.
