O le Matagaluega o leoleo falepuipui ma le ola toe fuataina, o le faalapotopotoga o le pulega o le suavai ma le faalapotopotoga o le malosi tau eletise, o ni totino uma o le Malo, ua latou osi feagaiga nei ma le polokalame tau aoaoga a le malo o Ausetalia e ta’ua o le Australia Pacific Training Coalition.
O le faiga paaga lenei o le a ofoina ai e lea auaunaga fesoasoani a Ausetalia le aoaoina o tomai tau inisinia, o tomai tau eletise ma le palama mo le faalapotopotoga o le eletise, ma le pulega o le suavai, ae o le matagaluega o leoleo falepuipui ma le ola toe fuataina o le a ofoina iai aoaoga mo le puipuiga o le saogalemu.
Ua faaalia ai le agaga faafetai o le Minisita o leoleo i le mae’a sainia o maliega ma le sui o lea polokalame ona o le a maua ai e leoleo se isi faaopoopoga i tomai ma agavaa e faatino ai o latou tiute.
