Ua talosagaina nei e se tasi o aiga ni faamatalaga e uiga i le tamaitai ia Peleina Fauolo.
Maitauina e le Radio Samoa le tuuina ai i luga o upega tafailagi a se tuagane e talosagaina ai le fesoasoani mo le tau sailia o Peleina.
Mai ia faamatalaga, na leiloa mai o ia talu mai le aso ananafi, Aso Tofi 20 o Iuni, ina ua lē oo atu Peleina i lona aiga i le tuua ai o a’oa’oga.
E lē o faailoa mai i lenei talosaga le aoga ma tausaga o Peleina, ae na ta’ua ua mae’a ona faafesootai le ofisa o leoleo e tusa ai ma lea mataupu.
Ae o le tatalo a lenei aiga mo se tasi e na te silafia ma iloa se faamatalaga e faatatau ia Peleina Fauolo ina ia vave faafesootai atu le numera e pei ona faailoa i luga o le itulau.
