Ua faamauina e saienitisi o le tausaga lenei 2025 o se tasi o tausaga aupito i vevela o iai i le lalolagi ma ua faatulaga i tausaga e tolu pito i luga e matua’i vevela tele le tau na faamauina ai i le tele o atunuu.
Māua i se finagalo mai le World Weather Attribution, o lenei tausaga ua faamauina ai le vevela tele o le tele o atunuu e ui i le iai foi ole La Niña lea e masani ona mālū ai ogasami o le Pasefika ma afua ai le tele o suiga ole tau i le lalolagi.
Ua faailoa e le ‘au su’esu’e ole fa’aauau pea ona susunu o suauu, kesi ma le malala e atili vevela ma alu ane ai le kasa i le si’osi’omaga ma e fa’aauau pea ona va’aia suiga ia i le tau pe a lē faaitiitia tulaga ia.
O se tasi o faataitaiga lelei o aafiaga o suiga vave ole tau ma aafiaga i tagata ole afā o Melissa lea na vaaia le vave o le faatupulaia o lona malosi ma tele aafiaga i tagata ma faafaigata ai ona saili fesoasoani ona ole vave tele o le oo atu ole afā ma lona malosi.
I le agai atu i le tausaga fou 2026 ua faailoa e nisi o le ‘au su’esu’e talosia ia faaitiitia lea tulaga o le faaleagaina ole si’osi’omaga ma ia maua se lalolagi saogalemū mo tagata i lena tausaga fou.
Puna o Faamatalaga: https://www.9news.com.au/world/2025-was-one-of-three-hottest-years-on-record-world-climate-change/a07f7f2a-1638-4912-8381-303ef3af086b
