Ua iai lipoti ua ta’ua ai ua nofo sauni lava le Palemia o Ausetalia, Anthony Albanese e valaau le faigāpalota a le atunuu e faia ia Aperila i lona aso 12, peitai e foliga e ono toe tolopo lea finagalo ona o popolega i le afā o Alfred lea o loo lapata’ia ai Kuiniselani ma se vaega o Niu Sa Uelese.
O nisi mai le malo ua o latou faailoa i le ABC o se tasi lea o popolega autū o iai mo le Palemia ma lana faigamalo e tusa ai o le mataupu i le palota.
Ua ta’ua foi e se isi source mai le malo lava e pei ona lipotia e le ABC o se avanoa mo se faigāpalota amata atu i le faai’uga o le vaiaso nei , pe ā ma le 50 pasene o loo taatia ai i le taimi nei ae fuafua lava i le tulaga o le a iai aafiaga o le afā e pei ona lapata’ia ai le atunuu.
Sa fuafua le faigāmalaga a le Palemia mo Brisbane i le Aso Tofi peitai e foliga ua toe fetuuna’i ona o le aso tonu lea o loo fautuaina e le vaaitau e ono tetele ai le afā.
Puna o le Faamatalaga: https://www.abc.net.au/news/2025-03-03/cyclone-alfred-final-barrier-for-pm-calling-april-election/105005788
