Ua faailoa i se tasi o tusitusiga i le RNZ i le asō se matāupu ua ta’ua ai se lapata’iga ua tuuina i nisi o tagata malaga mai i Niu Sila mo galuega ma faailoa iai o lo latou tomai ua tuuina ai i latou i le ālafua e maua ai le nofomau i Niu Sila, peita’i ua toe lapata’ia e ono lē tupu lea tulaga.
Fai mai le RNZ o loo faaaogā e le Immigration NZ ni systems se lua e fai ai le faai’uga poo ā galuega e ta’ua o skilled jobs ma e iai le aafiaga o le tulaga lea i visa e tuuina i tagata.
Ta’ua i le lipoti se finagalo faaalia o se tasi o faufautua tau immigration e faapea o loo iai Niu Sila i se tulaga lamatia i le maua o sona tala’aga i le faaseseina o tagata i folafolaga sesē.
O loo ta’ua i le lipoti nisi o tagata ua aafia i le matāupu lea e pei ona faailoa e le faufautua o Tobias Tohill aemaise lava i tagata e ta’i 3-5 tausaga visa lē tumau o loo faigaluega ai i le atunuu ma faamauina o skilled workers ae mulimuli ane toe faailoa iai e le immigration e lē agavaa i lalo o le skilled migrant residence lea e maua ai le nofomau.
Faailoa foi se finagalo o le Ofisa Sili o le Hospitality NZ i le lipoti lava lea e faapea o classification systems e lua o loo faaaogā e Niu Sila o loo afua ai faafaigatā peita’i fai mai le Immigration o ana systems o loo fua lava ANZSCO le faiga lea e fua iai le faatulagana o galuega e lē gata i Niu Sila ae faapea foi i Ausetalia.
Puna o Faamatalaga: https://www.rnz.co.nz/news/national/584175/skilled-migrants-on-path-to-residency-warned-status-may-change
