O le auaunaga o le One NZ ua faailoa i lipoti a le RNZ i le asō ua faasalaina e totogi le $1.1 miliona mo le solia o aiaiga o lana auaunaga i le numera 111, i le le faamalieina o ana matafaioi e ao ona faatino i le logoina o ana paaga, vulnerable customers.
O le faaiuga mai le faamasinoga maualuga pei ona faailoa i le lipoti ua faia ina ua ave i le tulafono e le Commerce Commission le One Nz i le tausaga talu ai.
Na ioeina e le kamupani soligatulafono (breaches) e 10 i lalo o le 111 contact code lea e iai manaoga e ao ona o latou faamalieina i le auaunaga ofoina i ana paaga aemaise i taimi o ni valaau mo fesoasoani faavavave ma le motusia o le eletise.
Ua tā’ua i le lipoti se faamatalaga mai le One NZ, e le’i iai se tasi o ana paaga poo customers na aafia ona o le solia o ia aiaiga.
Na o latou faailoa i se pepa o faamatalaga pei ona agiga i le lipoti e lē o se faaletonu lea i le latou auaunaga 111 poo se faaletonu ua vaoia ai le fesootai o a latou paaga i le 111 i se taimi o faalavelave faafuasei ma o aiaiga foi ua solia e lei iai lava se aafiaga i le network poo se avanoa e faafesootai ane ai latou e paaga mo ni fesoasoani faavavave.
Puna o Faamatalaga: https://www.rnz.co.nz/news/national/580490/one-nz-fined-over-1m-over-emergency-call-breaches
