O astronauts e to’alua a le NASA lea ua 9 masina o iai i le vanimonimo ua lipotia ua toe o ni nai vaiaso toe tulaueleele mai i le lalolagi ae o loo faatali i isi e suia i la’ua i lea nofoaga o le International Space Station ona aga’i ese mai lea i le faai’uga o le masina.
O Butch Wilmore ma Suni Williams o le a faatasi atu iai i luga o le SpaceX isi astronauts e to’alua lea o le a suitulaga atu.
Fai mai Wilmore i se faatalanoaga ma tusitala e ui o le polokiki o se vaega o le soifuaga, e le’i iai se polokiki na aofia i le mataupu o le toe foi mai o i laua ma Williams mo ni nai vaiaso e lē o toe umi, e faafetaia ai le me’i mai i luma o lea fuafuaga.
Ua saunoa le Peresetene o Amerika, Donald Trump i le lipoti a le Alaata 9 e faapea ma Elon Musk o le Space X sa manana’o e faavave le toe faafoi mai o astronauts ma tuua’ia ai le pulega talu ai.
O le vaiaso talu ai na folafola ai e le NASA o le isi auvaa o le a aga’i atu i lea nofoaga o le a faaaogā le capsule sa faaaogāina muamua ma o le Aso Lulu o le vaiaso fou o le a faataunuuina ai.
Puna o Faamatalaga: https://www.9news.com.au/world/stranded-nasa-astronauts-just-weeks-away-from-return-to-earth/f5446ccc-3272-41c1-9e45-0d80e1622269
