Ua le lava kalone poo drums e teu ai le aao foai o tagata mo Tonga, ma o lea ua sau ai le valaau mo se fesoasoani
O le faaiuga o le vaiaso na amata faaaoga ai le stadium I Mount Smart e faatoai atu iai foai a tagata Aukilani faamoemoe mo tagata Tonga ao pagatia ai mai aafiaga o le tsunami ma le mauga mu
Ua sau ai ma le talosaga o loo moomia nisi kalone faapea nisi containers ma o lea ua faatalosagaina kamupani o loo lafoina faamomoli I atunuu I fafo ma soo se tasi e mafai ona fesoasoani atu
O le finagalo faaalia lea o le failautusi o le Aotearoa Tonga Relief Committee, Pakilau Manase Lua ma e silia ma le 44 nisi kalone o moomia
Afai foi ae faafaigata o loo vaavaai le komiti e faatau ona o le aoga o nei kalone e toe faaaoga e tagata Tonga
O se faamanuiaga le toatele o tagata na faaoo atu foai I le faaiuga o le vaiaso
