E toalua talavou ua molia nei i le osofaiga ua feta’ua’ina ai le maliu o se tama talavou ma tigaina ai i manu’aga lona uso laititi i se faalavelave na tupu i fafo ane o se aoga i Sini i le Aso Faraile na tea nei.
Ta’ua i lipoti a le 9News o Isaiah Naden 18 tausaga na maliu ona o manu’aga mai le faalavelave lea ae na maliu i fafo ane o le ofisa o leoleo i Blacktown.
Ua ta’ua i le lipoti o le uso o Isaiah 19 tausaga ua faasolo manuia i le mae’a o le taotoga sa faia.
E 16 tausaga o se tama talavou ua molia i le fasioti tagata ma sa tulai i le faamasinoga o tamaiti, o le isi foi talavou e 17 tausaga sa tulai i le faamasinoga e molia i moliaga e faatatau i lenei faalavelave.
O loo suesue e leoleo pe iai se sootaga o le vevesi i ni kegi.
Puna o Faamatalaga: https://www.9news.com.au/national/teen-dead-another
seriously-injured-in-stabbing-in-sydney-s-west/ff33ae79-8c2f-4049-92c5-e3d246f910c8
