Ua i lima nei o leoleo se mataupu tau solitulafono ua molia ai se tina talavou i le uma ai o ola o lana masaga pepe, lea ua faaalia e leoleo i lipoti na fanauina e le tina i totonu o le fale taele ona ia lafoa’i lea o le masaga o se pepe tama ma se teine i totonu o le lapisi o le faletaele.
Ua faailoa e le Komesina o Leoleo i le nusipepa o le Samoa Observer ua molia lea tina i le solitulafono o le fasioti tagata pa’ivalea ma le solitulafono o le lafoai o le oloa taua faasino i lana masaga.
O se tasi lea o gaioiga solitulafono e le o se taimi muamua lenei ua tulai mai ai, ma ua faasalaina ai nisi o tina sa molia ma faamaonia i le moliaga o le lafoai le oloa tāua.
O le aso 24 o le masina nei le Aso Gafua o le vaiaso asau e tulai ai le tina ua molia ile faamasinoga maualuga.
