O le tausi soifua alii lea sa to’alua ai tausi soifua na faamālōlō mai galuega i le falema’i i Bankstown i le masina talu ai, ua faailoa i lipoti i le asō ua faia nei iai moliaga.
Fai mai le 7News o le tausi soifua lea sa feta’ua’ina le faia o ni faamatalaga taufaamata’u e faatatau i tagata Isaraelu.
O Ahmed Rashid Nadir 27 tausaga na pu’eina i le po anapo e pei ona faamaonia mai e leoleo NSW ma ua molia i le taufaamata’u ma isi moliaga ma ua toe tatala i tua e tālia ai le aso e tula’i ai i le faamasinoga i le aso 19 o Mati.
O le vaiaso talu ai na molia ai foi le tamaitai tausi soifua o Sarah Abu Lebdeh i le mataupu lava lea ma ua mae’a faailoa e le Australian Health Practitioners Regulation Agency e lē o toe faaaogāina o la agavaa faatausi soifua i totonu o Ausetalia.
Puna o Faamatalaga: https://7news.com.au/news/male-nurse-who-allegedly-threatened-to-kill-israeli-patients-in-viral-video-charged-c-17931130
