Ua faailoa mai e le Lakapi Niu Sila o leisi taaloga lona lua ole Bledisloe Cup o le a talimalo ai Aukilani I Eden Park ae le o Ueligitone e pei ona sa fuafuaina ai muamua.
O lona uiga la ua faamaonia mai o le a sosoo lava taaloga poo tests ia e lua I Aukilani, muamua ile aso toonai nei 7 o Aokuso ma le aso toonai 14 o Aokuso lava I Aukilani ma le test lona tolu o le a faia I Perth Ausetalia ile aso 28 o Aokuso.
O faigata lava I fetuunaiga ile Trans Tassman bubble lea ua faailoa ai le toe faia o nei suiga ma e le gata I lea ae o le taaloga a le All Blacks ma Argentina sa fuafua mo le aso 18 o Setema ua toe suia foi nei ma o le a faia I Ausetalia.
Fai mai le ofisa sili o le Lakapi Niu Sila ile lipoti a le One News e ui e fiafia ua faamautuina mai aso ma nofoaga mo taaloga ae manatu I nai au tapuai mai Ueligitone ma I latou e fiafia I le taaloga o le a le maua le avanoa e auai ai I taaloga ia.
Ua faamaonia mai foi o isi taaloga e lua a le All Blacks e taaalo ai ma Aferika I Saute o le a faia lea I Dunedin I le aso 25 o Setema ma Eden Park I le aso 2 o Oketopa. Mo I latou sa faatauina tickets e maimoa ai I taaloga ua faia iai suiga, o le a toe faafoi uma seleni mao lea faafesootaia e le ticketmaster ma le ticketek.
