Ua lipotia e le 9news i le taeao analeila se alii o loo tigaina i le falemai i Melepone ona o se faalavelave na aafia ai i le po anapo i le faaitu o Tarneit.
Ta’ua i lipoti o sia alii sa matapogia ao iai i luga o se alatele i lea faaitu ma lavea ai i le taavale.
O le faamatalaga a leoleo e talitonuina sa tu i autafa o lana taavale i le taimi na matapogia ai i Hummingbird Boulevard i Tarneit. Faamauina pe tusa poo le tea laititi o le 7 i le afiafi, ma lavea ai i le taavale na ui atu i lea magāala.
Na faanatinati atu i le falemai mo togafitiga ma o loo tālia faamaumauga o lea tagata ae ua faatalanoa e leoleo le avetaavale o le taavale na lavea ai. O loo faaauau nei suesuega.
Puna o faamatalaga: https://www.9news.com.au/national/tarneit-man-hit-by-car-after-collapsing-on-suburban-road-in-melbourne/89e40867-f3ba-4edf-88b0-f600bdcaf1ce
