E amata atu i le tausaga fou 2024 o le a manaomia e tagata Ausetalia ona talosaga mo se pemita faapitoa e malaga ai i atunuu e 30 o le Atu Europa ona o se taumafaiga a lea foi itu o le lalolagi ia faaleleia atili le tulaga tau le puipuiga mo i latou.
Faailoa e le 9News afai e fia malaga le tagata Ausetalia i Europa i le tausaga fou o le a manaomia la le faatagana lea mai le ETIAS Travel poo le European Travel Information and Authorisation System ma e tatau lava ona talosaga mo lea faatagana.
E faaopoopo atu i lea e tatau lava ona pasi tulaga manaomia e ulufale ai i Europa pe a taunuu i tuaoi o ia atunuu.
E tolu tausaga le aogā o ia ituaiga pemita fou.
