Ua faailoa i le asō lagona alofa ma faamaisega a le lautele mo si alii sekulati ua maliu ma ua feta’ua’ina sa faaoolima iai se tagata sa i totonu o le kalapu sa faigaluega ai le sekulati.
O i latou e masani ona agai i le kalapu lea ua faailoa o latou alofaaga i lē ua aafia i le itu i Saute o Sini fai mai e foliga na tu’i lona ulu ma aafia ai.
Fai mai o se alii mai Peakhurst e suafa ia Brian Edmund Brown na molia i le asō i le faaoolima ua mafua ai le maliu.
Na valaau ane ai leoleo i le Royal Hotel Sutherland poo le 2 i le vaveao ona o lipoti o le tagata lea ua faaoolima i le sekulati ma matapogia ai.
Fai mai o lē ua maliu na malaga mai i Ausetalia mai Saudi Arabia e aoga ma faigaluega ai.
O loo iai si ona aiga i Saudi Arabia ma ua logoina e leoleo i le asō i lea tala faanoanoa.
Na faailoa e leoleo o loo faia nei le suesuega.
