O lea ua maliu se isi tagata e to’atolu iai i latou ua maliliu mai se faalavelave tau taavale na lavevea ai se taavale ma se campervan i le State Highway 1 i Marlborough.
O le toe 20 minute i le 11 i le taeao ananafi, na oo ane ai le fesoasoani a auaunaga o fesoasoani mo faalavelave faafuase’i e latalata i le Redwood Pass.
E to’alua nisi na maliliu ai lava i le nofoaga na tupu ai le faalavelave, ae to’atolu isi na faavave atu i falema’i i Kalaiesetete.
Ae ua lipotia mai e leoleo, o le asō lea ua faailoa mai ai ua maliu ai le isi tagata i le falema’i, ae iai isi tagata o loo iai foi i se tulaga tigāina i le taimi nei.
E ono itula na tapuni ai le auala lea i le State Highway 1 a o aga’i leoleo e fai a latou su’esu’ega.
I le taimi nei o lea ua lipotia mai ua toe tatala le auala.
Puna o Faamatalaga: https://www.rnz.co.nz/news/national/587641/third-person-dies-after-crash-on-state-highway-1-in-marlborough
