E faigata tele le tala ua sau i le gasegase na aafia lona fatu ma maliu ai i le taimi na o le tausi soifua sa iai i le falemai i le vaiaso talu ai.

E leai se fomai i le falemai i Dargaville ma o lea na talanoa le tausi soifua e faaaogā le video link agai i le fomai mo lana fesoasoani.

O faamaoniga nei mai le emergency department a le falemai i Whangarei ma o loo ta’ua ai le popole ma le lē mautinoa o le tausi soifua i lea taimi.

Ua fai mai ai le matagaluega a le soifua maloloina e lē o le to’agaogao o le aufaigaluega i le falemai i Dargaville lea na mafua ai, ae fai mai le Palemia, Christopher Luxon e faigata tele le tala ua sau ma e lē tele sona finagalo faaalia ona o le mataupu e patino i le minisita o le soifua maloloina ma lana matagaluega.

Ae mai le minisita o le soifua maloloina, Dr Shane Reti e lē faigofie le sailiga o fomai i falemai i nuu i tua ma o loo toe vaavaai nei iai.

Puna o Faamatalaga: PM says no doctor for Dargaville Hospital cardiac arrest ‘challenging’ (1news.co.nz)