Ua aga atu ‘au poo teams a le Biosecurity, le vaega e mata’itūina puipuiga o tagata, meaola ma le saogalemu foi o taumafa, agai atu i Ausetalia ma le UK a o faaauau pea ona iai le faamata’u o se strain o le birdflu.
Fai mai ua pepesi le birdflu i atunuu o le lalolagi faapea foi Amerika lea e lipotia ua aafia ai ma nisi e faigaluega i farms.
Ua ta’ua i le lipoti a le RNZ e lei iai lava se case i Niu Sila nei o le ituaiga tigaina lea o loo pepesi nei peitai fai mai le matagaluega a le Primary Industries ua tau masina o galulue pea mo se fuafuaga e tali atu ai i lea ituaiga vairusi.
Fai mai le Ofisa Sili o lea auaunaga o le latou team o le a iai i Vitoria i le vaiaso fou, i nofoaga poo farms o loo aafia ai moa i le faama’i, e lē gata i NSW ae faapea foi ACT.
O le a faimalaga foi i le UK mo le faamoemoe e silasila ai i auala e puipuia ai e lē gata i meaola ae faapea foi soifua o tagata ae lē gata i lea o le silasila lea i itu tau le puipuiga pe afai e faifai tetele le pepesi a le birdflu.
Puna o Faamatalaga:
