Ua lipotia e le CNN pe ā ma le to’alima tagata ua fasiotia i se osofa’iga a Lusia na faaaogā ai drones ma sa aga’i tonu i se train la’upasese i le itu i Mātū i Sasa’e o Ukraine e pei ona faamaonia ane e le Peresetene o Volodymyr Zelensky.
Fai mai o ni vaaiga lē manuia na feagai ma le aufaigaluega a le fesoasoani faavavave ina ua taunuu atu i le nofoaga na tupu ai le faalavelave i le faaitu o Kharkiv.
Fai mai pe 300 le pasese a le train ma o ia malaga e masani ona faaaogā e tagata Ukraine e aga’i ai e asia a latou fitafita o loo tau i le taua.
Ua faailoa o drones sa faaaogā e osofa’i ai le train ma ua faaigoa e Zelensky o se gaioiga faatupu faalavelave ma ua tetee foi iai ma isi atunuu i lea gaioiga a Lusia.
Puna o Faamatalaga: https://edition.cnn.com/2026/01/28/world/russia-strikes-civilian-train-ukraine-intl
