Ua faamanino mai e se tasi o sui o le malo o Ukraine ua aliali ni i’uga lelei o taumafaiga a le alii pilionea o Elon Musk e taofi Lusia mai le toe faaaogāina o satelite a le Starlink e faatino ai a latou osofa’iga o loo faia i drones.
Faafetaia e Ukraine Elon Musk ma ta’ua ai o le latou uo moni ma o se siamupini o le sa’olotoga.
Fai mai le minisita o le puipuiga a Ukraine o nisi o osofa’iga na faaaogā ane ai drones lea na aafia ai foi se train la’upasese na maliliu ai tagata e to’aono.
Ua faailoa foi e Musk i ana tusitusiga i luga o le X e foliga ua aogā gaioiga sa faia e taofia ai le faaaogā o le Starlink e Lusia, ua ia faailoa ai foi ia Ukraine ia logo atu ia pe a toe mana’omia se isi gaioiga e faia.
O le auaunaga a le Starlink e umia e le Space X le kamupani Amerika na faatūina e Elon Musk.
Puna o Faamatalaga: https://www.bbc.com/news/articles/cly94qe3yr0o
