E loulouā uiga o le tau i Aukilani i le asō, ma ua lapata’ia ai i savili malolosi ma timuga.
E tuufaatasia tala fou ua tuu mai i lalo i le 70 le saosaoa faatapulaa o taavale e kolosia le auala laupapa a le Harbour Bridge, ma e ono tapunia pe a malolosi tele savili i le asō.
O vaa foi feoa’i i le sami ua suia uma nei e faaaogā pasi i le asō.
Ua toe lapatai mai ai le Waka Kotahi i avetaavale uma aemaise lava i taavale maualuluga ma i latou e feoa’i i pasika e faaeteete ma onosaia foi le tuai o femalagaa’iga i le asō.
E ese mai ia Aukilani e faapea foi lapataiga i le asō mo Northland, Coromandel, Waikato ma Bay of Plenty.
