Fai mai leoleo o le vaveao analeila poo le tea o le tasi na valaau ane ai i latou i le nofoaga lea, fai mai nisi e aumau ai, na o latou faalogoina le pāpā ane o fana i le tuatusi lea i Holland Ave i Point England.
Na agai atu iai leoleo ma iloa ai nisi o faamalama o le fale ua faaleagaina ma ututau i le auala taavale.
Fai mai e toatasi le tagata na faamanu’alia ai ae lē tigaina manu’aga.
O loo faatalanoa nei e leoleo i latou o loo aofia i le mataupu lea ma ua faailoa foi e toalua tamaii laiti sa iai i le fale i le taimi na tupu ai le faalavelave ma o le faamalama foi o le potumoe o tamaiti lea na aafia ma semanu e manu’a tigaina ai se tasi.
O loo sailia nei e leoleo ni faamatalaga mai nisi sa silafia le mea na tupu pe masalomia foi lenei faalavelave i le vaveao analeila.
Ua fautuaina e leoleo tagata ia valaau sa’o atu i le latou laina 105 pe faaaogā le laina a le Crimestoppers.
