Ua taunuu Pope Leo i Lepanona i le laumua o Beirut mo le faamoemoe ia tuuina atu le feau o le filemu. O lana malaga lea e tolu aso i Sasae tutotonu, se vaega o le lalolagi sa mātele ina aafia i vesiga ma fetaua’iga i taimi ua tuanai.
Ua faailoa e le CNN le una’ia e le Tamā Paia o tagata Lepanona ia nonofo pea i lo latou atunuu e ui ua va’aia le toatele o tagata talavou ma o latou aiga ua saili manuia i nisi faaitu o le lalolagi ona o le tele o vevesi, tulaga mativa ma isi faamata’u i le soifua.
Saunoa Pope Leo e lelei ona ‘aua nei galo i tagata o le galulue i aso taitasi ma atina’e se soifuaga filemu ma le alofa, o loo tumau pea ona avea o se tasi o mea aupito i tāua.
Sa ia saunoa foi o le filemu e na te leiloa se fefe i le taimi o le faatoilaloina.
Tumutumu tagata i magāala ma nofoaga na agai iai le ta’ita’i ole Ekalesia Katoliko ma ua ia valaau ai ia faia ni talanoaga ma tutū faatasi tagata o Lepanona a o le mau tonu ai le toatele talu le osofaiga a Isaraelu i le vaiaso talu ai i le itu i saute o Beirut.
Puna o Faamatalaga: https://edition.cnn.com/2025/11/30/middleeast/pope-leo-lebanon-foreign-visit-intl
