O lea ua aloaia le aso na faagata ai ona faatau pe gaosia i totonu o Niu Sila single-use plastics.
O le uluai aso o Oketopa lea na amata faamamalu ai lea sā, ma mai le minisita o le siosiomaga David Parker o se laasaga o le fuafuaga tolu tausaga na faia e foia ai faafitauli e mafua mai i le faaaoga o plastics.
I totonu o le tausaga e faapea e tusa ma le 750kg otaota lafoai e Niu Sila, ma o le tele o nei otaota e le mafai ona recycle.
Molimauina e tala fou e oo mai i le faaiuga o le vaiaso ua alu o loo faatauina pea i nisi o faleoloa laiti plastics nei e sau i le lisi ua faasā.
Ua sau ai ma molimau a le pule sili o le Plastics NZ, Rachel Barker i tala a le leitio a Niu Sila, o se tulafono o loo agai i se itu lelei, pau o lea o loo iai le popolega e foliga mai e lei lava lapataiga ona o lea o loo tele lava ina faatau e pisinisi laiti plastics nei ua faasā ma masalo, o le lē iloa.
O loo mafai ona maua uma i luga o le upega tafailagi a le matagaluega o siosiomaga le lisi o plastics o loo faataga i le taimi nei faapea plastics ua faasā.
