Na lipotia o se pasi na lavea i le taeao analeila i le ogatotonu o Otago ua motusia ai le eletise mai le silia i le 300 o fale.

Na faailoa e leoleo na tali atu i se valaau mo se fesoasoani i le faalavelave lea i le State Highway 85 poo le te’a o le ‘afa o le 9 i le taeao ma e toatasi se tagata na aafia e lē tigaina tele manu’aga.

Fai mai o le faalavelave na aafia ai ma uaea eletise lea ua mafua ai le motusia o le paoa.

Ua tulai mai lea faalavelave ae o loo fautuaina e le NZTA le atunuu femalagaa’i ia faaeteete i le aisa o loo toulu i lea faaitu ma e ao ona mata’itū lelei.

E lē o faamautuina mai le mafuaaga o le faalavelave i le taimi nei a o faagasolo ai suesuega a leoleo ma le agaga faafetai e lē o ma’umau ai se soifua.

O le faalavelave na tupu lata i Alexandra.

Puna o Faamatalaga: https://www.1news.co.nz/2024/07/16/bus-crash-cuts-power-to-more-than-300-homes-in-central-otago