Fai mai Eddie Jones le faiaoga o le ‘au a Egelani ua tele tele le mau cards ua vaaia i lenei vaitau i le lakapi ma fai mai a ia ua lē mafai ona faatonutonuina lea tulaga.
O le fetauiga a le Wallabies ma Egelani i le faai’uga o le vaiaso na alia’e ai foi nisi o nei cards mo ‘au uma e lua, fai mai Jones sa lē tatau lava ona faasalaina uma tama taaalo e to’alua o Perese le uigi a le Wallabies ma le ffive eighth a Egelani o Smith.
Na saunoa foi Jones o le taaloga foi a Niu Sila ma Aialani i le faai’uga lava o le vaiso talu ai, le isi foi taaloga na faaali ai foi le tele o cards ma ua oo ai ina tau lē mautonu i le aofai o tama taaalo e ao ona iai i luga o le malae.
Fai mai foi le faiaoga o le All Blacks Ian Foster e faapea foi sona lagona ma e foliga ua iai le lakapi i se tulaga lamatia e iu ina avea ai o se card festival poo ni faaaliga o cards ae lē se lakapi.
