O se afā malosi o loo aga’i mālie ane i Jamaica ua lipotia le iai o se faamata’u o matagi malolosi ma timuga mamafa i luga o lea motu i le Atu Karipiane.
O le afā o Melissa ua faatulaga nei i le Vaega 5 poo le Category 5 lona malosi ma ua fuafua e aafia ai Jamaica e amata atu i le asō.
E manatu le pulega o Jamaica o le a tele aafiaga o le afā lea i le atunuu e fua i ona aafiaga i isi motu e pei o Hispaniola lea ua maliliu ai tagata e to’afā ma e ono faamauina foi o le afā aupito malosi lea ua aafia ai le atunuu.
Lapata’i ane le vaaitau o le alualu mālie o le afā o le a umi ai foi ona aafia Jamaica ma faateteleina ai lamatiaga o lōlōga ma sologā eleele.
O le lipoti aupito lata mai a le vaaitau ua ta’ua ai ua iai nei Melissa i le pe ā ma le 145maila i le itu Saute i Sisifo o Kingston i Jamaica.
Puna o Faamatalaga: https://www.bbc.com/news/articles/c2dr0z57nygo
