Ua faailoa e Isaraelu ua o latou faasāina le faalapotopotoga e igoa o le Medecins Sans Frontieres poo le MSF mai le toe galulue i Gaza ina ua mumusu e faamatuu ane faamaumauga poo le lisi o ana tagata faigaluega o loo iai i Gaza.
Sa faatonuina e le faigāmalo a Isaraelu faalapotopotoga e 37 o loo galulue i Gaza ina ia faamatuu ane a latou lisi o faamaumauga o tagata faigaluega faavaomalo o loo galulue i Gaza auā fai mai Isaraelu e iai nisi lipoti o loo iai sootaga o le faalapotopotoga lea o le MSF i kulupu e pei o le Hamas ma le Islamic Jihad.
O loo teena e le MSF ia faamatalaga.
Ua lipotia e le BBC o loo tetee isi atunuu e 10 i lea gaioiga a Isaraelu ona fai mai a latou, o ituaiga gaioiga faapea o le a tele sona aafiaga i le maua ai e tagata o fesoasoani o loo mana’omia.
Puna o Faamatalaga: https://www.bbc.com/news/articles/cvg1ymmkpkro
