Ua faailoa le lapata’i ane o Iran i ni tulaga ogaoga o le a iai i le mae’a faaigoaina e le Iuni a Europa o le Islamic Revolutionary Guard, o se faalapotopotoga faatupu faalavelave.
Ioeina e minisita o le Iuni a Europa le faia o lea faai’uga i se fonotaga na faia i Brussels e faamatala ai o le tali atu lea i gaioiga sauā a Iran i tagata tetee sa faasagatau atu i le faigāmalo.
Fai mai le EU o soo se pulega latou te fasiotia ni ona lava tagata se to’atele, o loo galue lava mo ia.
O le faaigoaina la o le Islamic Revolutionary Guard o se faalapotopotoga faatupu faalavelave ua lisi faatasi ai lea faalapotopotoga ma le Al Qaeda, Hamas ma le ISIS ma ua faailoa ai e le sui mai le EU afai e gaioi ia tagata faatelolisi pe faatupu faalavelave e tatau foi la ona fai i latou faapei o ni tagata faatupu faalavelave.
O lea gaioiga ua tuua’ia ai e Iran le EU fai mai a latou ua usita’i uma ta’ita’i o Europa ia Amerika ma Isaraelu ma a la faiga faavae.
Puna o Faamatalaga: https://edition.cnn.com/2026/01/29/middleeast/iran-warns-eu-designate-irgc-terrorist-organization-intl-latam
