E lata i le 400 tagata o loo tau sa’ilia nei e le au laveai mai Indonesia, talitonu o loo tanumia mai se eleele solo sa aafia ai le atunuu i le mae’a o timuga mamafa ma lologa i le vaiaso talu ai.
Fai mai o le aai o Sumatra ua silia i le 440 le au maliliu, ma ua amata ona taunuu iai fesoasoani i nofoaga aafia peitai o isi aai e lei maua lava se fesoasoani ma ua maua foi lipoti i tagata ua o latou gaoia meaai ma vai ina ia faaaogaina i aso taitasi.
Tā’ua e le BBC na fetaia’i atunuu e pei o Thailand, Meleisia, le atu Filipina ma Sri Lanka i timuga mamafa ma aafia ai le miliona o tagata ma e silia ma le 900 le ‘au maliliu mai ia faaitu.
O loo lipotia o se ituaiga afa e seasea vaaia, le afa ua faaigoa o Senyar lea na aafia ai Indonesia ma e tele mea ua faaleagaina.
Ua iai fesoasoani mai fafo ua taunuu i le atunuu ma o se tasi itumalo aupito sili ona ogaoga aafiaga o Aceh.
O le faaupuga mai leoleo o le isi faafitauli ua faaopoopo atu i mafatiaga o iai nei, o le toatele o le au gaoi.
Ua iai faleoloa ua osofaia i Sumatra, sosola ai tagata ma ave meaai mo o latou aiga o loo talitali pea le oo atu o ni fesoasoani tau taumafa.
Puna o Faamatalaga: https://www.bbc.com/news/articles/clyz82z7p8zo
