Ua taunuu ane se vaega o le militeli a Farani i le laumua o Greenland, o Nuuk ma e faapea foi i nisi o vaega’au mai isi atunuu o Europa e pei o Siamani, Sweden, Norway, Finland, le Atu Netherlands ma le UK.
Ua faatino lea tulaga a o faaauau pea lava foi ona una’i atili Trump ina ia pulea e Amerika lea atumotu o se vaega o Denmark.
Ua lipotia e le BBC se faamatalaga mai le failautusi i le Fale Pa’epa’e, le White House Press secretary, Karoline Leavitt e faapea o lona manatu o le aga’i ane o vaega’au mai le Atu Europa i Greenland o le a leai se aafiaga i le faai’uga ua faia a le Peresetene o lo latou atunuu e faatatau ia Greenland.
Ua lipotia foi le faailoa o popolega mai le ofisa o Lusia i Belgium i le tulaga ua tula’i mai nei i le Arctic poo lea itu o le lalolagi ma ua tuua’ia ai le NATO.
Puna o Faamatalaga: https://www.bbc.com/news/articles/cd0ydjvxpejo
