Ua toe tatala nei se vaega o le kolosi i le tuaoi o Aikupito ma Gaza i le mae’a o le lata i le lua tausaga na tapunia ai e Isaraelu ma ua faailoa mai e sui o le puipuiga a Isaraelu i le CNN, e na o sina vaega itiiti o tagata Palesitina o le a aga’i ese mai ma isi e ulufale atu i Gaza.
O le Iuni a Europa o loo latou faatonutonuina le Rafah Crossing o le sitepu mulimuli lea o le vaega muamua o le maliega na faia ma Amerika mo le taofia o vevesi i lea itu o le lalolagi.
Ua lipotia mai e ta’i 50 tagata o loo mafai ona faataga ona kolosi i le nofoaga lea i le aso e ulufale atu ai i Gaza, ae 150 Palesitina e mafai ona aga’i ese mai i le aso e tasi e ui mai i lea kolosi.
Faailo e le Palemia o Isaraelu o Benjamin Netanyahu, e tapulaa gaioiga e faatino i le kolosi lea i le asō ma e leai foi ni fesoasoani humanitarian aid poo ni oloa faapisinisi e faaui atu ai.
Puna o Faamatalaga: https://edition.cnn.com/2026/02/02/middleeast/israel-authorizes-reopening-of-rafah-intl
