O se fale na gaoia i Flat Bush i le po anapo lea na faamanu’alia ai se tagata ma o loo galulue ai leoleo i lea suesuega i le asō.
Fai mai na maua atu le telefoni i leoleo e faatatau i ni alii se toalua ua faamalosi ona ulufale i le fale lea i Chianti Close ma faaoolima ai i se tagata sa iai i le fale, fai mai e feololo le tigaina o manu’aga.
O le te’a o le 10 na tupu ai le faalavelave ma ua faailoa e leoleo, na o la aveesea mai ni aitema mai lea tuatusi ma sosola ese i se taavale a o lei taunuu atu leoleo.
Na ave atu lē na aafia i le falemai ae i se taimi mulimuli ane e pei ona lipotia e le One News na maua ai e leoleo se taavale e manatu e ono aofia i le mataupu lea ma o loo faia nei iai suesuega.
Puna o Faamatalaga: https://www.1news.co.nz/2024/07/26/person-taken-to-hospital-after-violent-home-robbery-in-auckland/
