Ua iai se faatatau a le Malo e faalauiloa se fuafuaga e $4.8 miliona e fesoasoani ai e taofia le sauaina o nai tagata matutua o Ausetalia.
O loo lipotia e faitau afe tagata matutua e aafia i ni sauaga, abuse ma ua faailoa e le sui o le Council on the Ageing Australia e latou te manatu e tāua le siitia o le silafia o tagata i ia tulaga ma e matele lava ina aafia nai tagata matutua i ni ituaiga sauaga mai tagata latou te iloa ma masani ai, ae faigata ona o latou faailoaina pe ta’u i nisi.
O le folasaga la a le malo i le vaiaso nei ua faailoa ai o le $4.8 miliona lea o le a faaaogā i le campaign ma le faamoemoe ia iai se fesoasoani mo nai tagata matutua ma ia avesea loa ia ituaiga tulaga.
Fai mai e lē o abuse uma foi o ni tulaga e sauaina ai le tino, peitai e aofia ai ma mafatiaga i lagona, tulaga tau tupe ma faalemafaufau.
Ua iai foi ma se isi laina telefoni o le hotline mo le au matutua, le 1800 Elder Help poo le 1800, 353 374.
Puna o Faamatalaga: https://www.9news.com.au/national/elder-abuse-hotline-australia-government-launches-48m-plan-to-tackle-elder-abuse/1f9da61e-5a5c-40f7-93ce-2560a968f58c
