Ua fesoasoani ane Iapani ia Papua Niu Kini e ala i se fesoasoani tau tupe e fesoasoani ai i le faigāmalo a lea atunuu ia faaleleia puipuiga ma le tali atu i le faama’i o le polio.
Ua ta’ua i lipoti a le NBC PNG ua tuuina e le malo o Iapani le 18 miliona kina e tusa lea ma le $4.2 miliona Amerika.
O le foa’iina o lea vaegatupe ua talafeagai tonu ma le taimi o loo tapena ai le matāgaluega o le soifua mālōlōina a PNG e faasolo isi tuipuipui o lea faama’i ona e malosi tele le vave o le pepesi.
E mātele lava ina aafia ai tamaiti i lalo o le ta’i 5 tausaga le matutua ae ono aafia foi le aumatutua.
O le faasologa la lea o le tuipuipui ua fuafua e faasolo atu lava ia Aperila ma faasoo ai itumalo auā sa faamuta taumafaiga ina ua lē lava tuipuipui peita’i la o le oo ane o lea fesoasoani tau tupe mai ia Iapani o le a fesoasoani tele i le faaauauina o le tautua, ma ua faafetaia ai le atunuu o Iapani.
Puna o Faamatalaga: https://www.rnz.co.nz/international/pacific-news/588017/japan-provides-us-4-point-2m-polio-lifeline-to-papua-new-guinea
