Ua faia le faai’uga a le Faamasinoga Maualuga a Fiti e faapea e solitulafono le gaioiga a le Peresetene sa faia ina ua ia faamālōlō le tama’ita’i o Barbara Malimali mai le tofi Komesina o le Fiji Independent Commission Against Corruption.
O Ratu Naiqama Lalabalavu sa ia faamālōlō mai Malimali i le 2025 ma ua lipotia sa ia faatino lea faai’uga i lalo o le fautuaga mai le Palemia o Sitiveni Rabuka peita’i na talosaga Malimali i le faamasinoga e toe iloilo le faai’uga a le Peresetene ma o lea la ua tuuina mai ai le faai’uga a le faamasinoga.
Fai mai le faamasinoga e lē o iai se pule faalefaavae e fautuaina ai e le Palemia le Peresetene o lea komisi ina ia faia le faai’uga e uiga ia Malimali.
Na faafetaia e Malimali ana loia ma tagata uma sa lagolago atu ia te ia ma ua faatonuina e le faamasinoga le setete ia totogi ane ia Malimali le tupe e tusa ma le $5,600, ae ua faailoa e Rabuka o le a ia toe apiliina le faai’uga lea i le faamasinoga.
Puna o Faamatalaga: https://www.rnz.co.nz/international/pacific-news/585694/dismissal-of-fiji-s-anti-corruption-chief-barbara-malimali-unlawful-court-rules
