I le umi o faatali se filifiliga mo se faauluuluga poo le Ofisa Sili o le Matāgaluega o A’oga ma Aganuu, o lea ua faailoa e le ta’ita’i o le malo i le Palemia susuga Laaulialemalietoa Leuatea Polataivao Fosi le filifilia o se tasi o tama’ita’i o le atunuu e avea ma Ofisa Sili mo lea matāgaluega tele a le malo.
O le afioga Salāmatua Toiaivao Tauti Faatamalii Jenny Lauano o le a tauaveina lea tulaga maualuga i le matāgaluega ma ua sui tulaga i le afioga Aeau Christopher Hazelman sa tofia i le tausaga e 2022 e avea ma Ofisa Sili mo le 3 tausaga ua mae’a.
O le Ofisa Sili fou ua filifilia o se tasi o Ofisa Sili o le Matāgaluega o A’oga ma Aganuu ma sa faauluulu iai le vaega o Performace and Development division.
