O le faalavelave na feto’ai ai taavale e lua i luga o le Hume Highway i Niu Sa Uelese i le taeao analeila ua maliu ai se tamaitai ma sa tapunia ai laina o le alatele a o faia galuega a leoleo.
Sa valaau ane le fesoasoani faavavave i le Boxers Creek a o lei taina le 7 i le taeao analeila ina ua feto’ai taavale e lua o le ute ma le hatchback na agai uma i le itu i Matu o le auala.
O le taavale o le hatcback sa faafoeina e si tamaitai ua maliu ma fai mai lipoti e ogaoga ona manuaga ma maliu ai lava i le nofoaga na tupu ai le faalavelave.
O le alii sa aveina le ute e lei faamanualia ae sa auina atu pea mo siaki i le falemai i Goulburn, fai mai o loo galulue le aufaigaluega i le aveeseina mai o se tasi tagata sa i totonu o se tasi o taavale na lavea.
Ua fautuaina le au faitaavale ia alofia lea faaitu ona o loo faatuai mo faigamalaga.
E le o ta’ua mai le mafuaaga o le faalavelave.
