Search
Search
SAA. Photo Credit Leatinu'u Wayne So'oialo

Feagai ma faaletonu tau tupe ona o le Koviti-19 ae ua toe maua tupe faasili a le Pulega o Malae Vaalele

E lē toe tau faailoaina i lo tatou atunuu faigata tau tupe sa feagai ma nisi o auaunaga ma tautua a le Malo faapea pisinisi tuma’oti, ona o aafiaga mai puipuiga o le faama’i Koviti-19 na tapunia ai malae vaalele, faapea le femalagaa’i o tagata.

Molimauina i le ata le laufofoga fiafia o le Minisita o Galuega Tetele o loo vaaia foi le Pulega o Malae Vaalele le tofa Olo Afoa Fiti Vaai, faapea le Minisita o Faalapotopotoga Tuma’oti a le Malo le tofa Leatinuu Wayne Sooialo, ua toe tauaao atu e le Pulega o Malae Vaalele sona sao tau tupe mai ana tupe faasili poo polofiti, auā galuega faatino a le Malo

O ni mafatiaga e 3 tausaga o tauave e atunuu uma o le lalolagi e aofia ai ma Samoa, ae o le toe tatala o tuaoi faavaomalo ma toe faaauau malaga a vaalele ma vaa tetele la’upasese o le sami ua toe foia ai ia mau faaletonu tau tupe.

O le Pulega o Malae Vaalele a Samoa le Samoa Airport Authority o se tasi o auaunaga tuma’oti a le Malo sa aafia tele ana tupe maua ona o puipuiga o le faama’i Koviti-19, peitai o lea ua toe tulaga lelei ma ia ausia ni tupe faasili ua mafai ai ona tuuina atu lona sao tau tupe le dividend, e tasi le miliona tala mo galuega faatino a lo tatou Malo.

O lea sao tau tupe sa talia e le Minisita o le Matagaluega o Faalapotopotoga Tuma’oti a le Malo le tofa Leatinuu Wayne Sooialo, ina ua tauaao iai e le Minisita o Galuega Tetele ma Pulega o Malae Vaalele le tofa Olo Afoa Fiti Vaai.

Ua faailoa ai e lea faalapotopotoga tuma’oti a le Malo o lea foi sao tau tupe na mafai ona faamaopoopo mai tupe faasili na maua e tusa ma le 2 miliona 324 afe ma le 264 tala ($2,324,264.00).

O ia tupe faasili na maua mai le aofaiga atoa o tupe maua o le tausaga faaletupe na faaiuina ia Iuni o le tausaga ua mavae 2023, lea e silia ma le 6 miliona tala ($6,640,755).

O le 35 pasene o tupe maua e aofia ai ma tupe faasili ua tuuina atu e le pulega o malae vaalele mo galuega a le Malo e pei ona tauaao nei lea seleni e le minisita o faalapotopotoga tuma’oti uma a le Malo.

O le susuga Tumanuvao Evile Falefatu o loo avea nei ma Ofisa Sili poo le General Manager o le Samoa Airport Authority le Pulega o Malae Vaalele a Samoa.

Tala sili ona faitaulia

Tala mai samoa

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required