A o tuuina pea fautuaga ma lapata’iga o timuga mamafa faapea le ono oo mai ai o le afā o Vaianu i Niu Sila nei, o lea ua fautuaina malosi tagatānuu Tauranga ina ia aga’i ese mai o latou fale, pe a ua o latou iloa e lē saogalemū lea mo i latou, ona o lōlōga mai timuga mamafa.
I ripoti mai le leitio faavaomalo a Niu Sila, o loo lipotia mai ai le iai i le lanu moli o tulaga o fautuaga ma lapata’iga o timuga mamafa mo Bay of Plenty i itu i Sisifo o Whakatane.
Ma ona o aafiaga o lea ua tapunia ai e le puleganuu le tele o auala ma paka, o taumafaiga ina ia faaitiitia ai le tele o aafiaga e ono tula’i mai, aemaise tulaga ma’ale’ale o iai i le taimi nei i ‘ele’ele solo e ono tula’i mai.
Ua fautuaina ai foi tagata ina ia aga’i i nofoaga maualuluga.
A o iai ia faaitu i tulaga o fautuaga ma lapata’iga, o lea ua māua le toe suia mai se tulaga maualuga lapata’iga a Northland aga’i i lalo.
Peita’i o nisi o itu i Sasa’e o ia nofoaga o loo fetaia’i pea ma timuga mamafa, ma ua faaalia le ono aafia ai o State Highway 10 i itu i Mātū o Bay of Islands i lōlōga tetele mai le vaitafe o le Kāeo River.
O faaitu o loo māua ai le tetele o timuga e pei o Kerikeri, Whakapara ma Whangaroa, e pei ona faamauina le oo atu le 80 milimita o suātimu na maua i totonu o le 24 itula.
Fautuaina e le vaaitau le oo atu i le 120 milimita o le suāvai timu e ono pa’ū.
I Punaruku ua faaalia e 50 milimita o le suāvai timu ua pa’ū, ua pa foi se faatanoa vai ona o le mamafa tele o timuga ma ua poloka faasoloatoa ai auala i itu i Mātū o ia nofoaga.
I ripoti na faailoa ai e le puleganuu a le Far North District, na pa le faatanoa vai ma lolovaia atoa ai le auala i Taupo Bay i magāala e lata ane i le State Highway 10.
O loo faatino galuega i luga o auala.
I le faaletonu o le tau, o lea ua fautuaina malosi e le Civil Defence avetaavale uma ina ia faaeteete i luga o auala.
Puna o Faamatalaga: https://www.rnz.co.nz/news/national/591641/weather-tauranga-residents-told-to-evacuate-if-they-feel-unsafe-in-heavy-rain
