Tuu Jacinda Ardern e alu ma le manuia.
A o manatua ai e le Palemia o Chris Hipkins ananafi le taumafai malosi mai o lē sa avea ma Palemia o Niu Sila ae e lei tulai mai Hipkins, e le gata na faafetaia ma faamanuia iai le Palemia ae ua ia fautuaina tagata Niu Sila.
O Jacinda Ardern o lea na faamavae ia Ianuari mai lona tofiga Palemia faapea le taitai o le Labour, peitai o le afiafi a taeao o le a saunoa mulimuli ai ma faamavae mai ai loa ma le palemene o ia o le faipule o Mount Albert i Aukilani.
O se faamavaega o loo i totonu o le piriota e le toe tau moomia ai le faia o se faigapalota laititi mo lea itumalo.
Ae i fautuaga mai le Palemia, o lona manaoga ia amanaia e tagata Jacinda Ardern o se tasi foi ua tele lona sao i le atunuu aemaise o le tofiga Palemia e le faigofie.
Ua fai mai ai ma Hipkins i nisi e le o fiafia lava ia Jacinda, ‘leave her alone’.
