Ua lipotia mai mai nei le tele o faaitu o le North Island i Coromandel Peninsula, Waikato, Taranaki, Palmerston North, Horowhenua ma Pirinoa i Wairarapa, ua aafia i le loulouā tele o le tau, e pei ona māua e oo atu lava i le 39 nofoaga poo properties ua afatia i le motusia o le eletise, a o aga atu e faafeiloai le Tausaga Fou.
I ripoti mai le leitio faavaomalo a Niu Sila, na ta’ua ai le galulue malosi ai o le kamupani o le malosiaga faaeletise o le Electra e faatino galuega faaleleia mo itumalo o Kāpiti and Horowhenua.
Faamanino e le kamupani le taumafai o a latou sui e faaleleia le tele o laina eletise ma ua o latou fautuaina ai le mamalu lautele aemaise aiga ina ia mataala ma ia faamuamua le saogalemū.
Faamauina i faamatalaga mai le ofisa o le vaaitau e ui ua vaaia se masele o lenei aso ae o loo iai pea tulaga e ono iai timuga e pa’ū i le tele o vaega o le atunuu, ma e ono mamafa i nisi o taimi.
Maitauina le iai o fautuaga o timuga mamafa mo Tasman i sisifo o Motueka. Faamauina le oo atu lava i le 100-130 milimita le mamafa o timuga o lea iai. E ono emo uila ma faititili.
Puna o Faamatalaga: https://www.rnz.co.nz/news/national/582934/quite-heavy-in-localised-areas-more-rain-on-the-way-for-new-year-s-eve
