E iai manu’aga i le ulu se’i tulou faapea le fatafata o se alii mai se faalavelave na faaaogā ai se fana i Sini i le po anapo.
O le faamatalaga a leoleo e faapea na valaau ane i latou i le faalavelave lea i Canterbury Road i Campsie i le tea o le 9 i le po anapo, na o latou maua atu ai se alii e 27 tausaga o iai manu’aga i lona tino ma sa faia vave iai togafitiga a paramedics ma ave ai i le falemai o St George ma e tigaina.
Na lipotia i se vaega e lē mamao ese ma le fale lea na lavea ai se taavale i Kingsgrove ma mu ai.
E leai ni manu’aga o lē na aveina le tavale ma sa tapē e le fuimu lea afi.
E maua atu e leoleo isi taavale ua susunuina ma lafoai i Berala ae talitonu leoleo e leai se sootaga o faalavelave ia e lua i le taimi e tasi.
O loo faaauau pea le suesuega.
