E 46 tausaga le matua o se alii Saina o loo tālia nei se ta’otoga faapitoa e sa’ili ai le māfua’aga tonu o lona maliu, a o faagasolo ai su’esu’ega a leoleo.
O lea tagatānuu o Saina sa maua atu i le potu o se fale sa nofo ai ua fano lona ola, ma ua faailoa e le Sui Komesina o leoleo e lē o iai ni mau i ni gaioiga faasolitulafono e fesoota’i i le maliu ae o le a faatali le taunuuga o le ta’otoga faapitoa.
O se pisinisi o se falepa’u sa galue ai lea alii Saina ua maliu.
Ae o se isi maliu sa lipotia i leoleo o se tamā ua 43 tausaga o le soifua.
O se faiva sa alu o ni alii se to’afā i Tiavea ma Samusu sa aofia ai ma lē ua aafia le soifua lea sa faia sa’iliga a leoleo i le fia maua o lona tino.
