O le faailoa e leoleo o nuu ma afio’aga o tagata ua molia i solitulafono tau fuālaau faasāina, ua lagona ai le leo o faaseā mai nisi o ia nuu ma latou tuua’ia le auaunaga o loo faasalalau ai faamatalaga o ia galuega a leoleo.
O loo tālia nei le faailoa lautele ai e le Matāgaluega o Leoleo, Falepuipui ma le Toefuata’ina o ata ma faamatalaga e aofia ai ma nuu o le to’a 12 na pu’eina i osofa’iga tau fuālaau faasāina i Savaii i le Aso Faraile ua mavae.
Le susuga Leiataualesa Afamasaga Samuelu o le sui Komesina o le Matāgaluega o Leoleo, Falepuipui ma le Toefuata’ina i le feiloa’iga ma tusitala i le Aso Toona’i ua mavae.
