O le au suesue a le ofisa o le CSIRO ua o latou mafai ona tuufaatasia se faiga fou e vave ai ona iloa nisi variants fou o le Koviti-19.
O le faiga lea e pei ona lipotia e le alaata 9 ua ta’ua e mafai ona vave ai ona faia suesuega e faaaogā ai genome sequence ma test samples ma iloa ai ituaiga variants eseese.
Fai mai o le faiga fou lea e iloilo ai le DNA nai lo le faiga o loo iai i le taimi nei e mata’itu suiga o le vairusi ma tulaga o loo alia’e mai. O lona uiga la fai mai le au suesue o le faaaogāina o lea faiga fou o le a vave ai ona maua tali o loo latou sailia e faatatau i le vairusi a o lei faailoa ane e nisi faalapotopotoga tau le soifua maloloina.
O le vave foi ona iloa o le vave foi lea o le mafai ona faia i ai o se faatatau mo togafitiga.
